कारोनाबाट थप दश जनाको मृत्यु,काठमाडौं उपत्यकाका ५

काठमाडौं । नेपालमा कोरोना भाइरसको संक्रमणबाट थप दश जनाको मृत्यु भएको छ । योसँगै कोरानाबाट मृत्यु हुनेको संख्या ४७७ पुगेको छ । स्वासथ्य तथा जनसंख्या मन्त्रालयका अनुसार मृत्यु हुनेमा काठमाडौं उपत्यकामा  ५ जना छन् ।

काठमाडौंमा एक महिलासहित ३ जना र ललितपुरमा २ पुरुष गरी जम्मा ५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।  

थप १५ सय ७३ जनमा संक्रमण

देशभर कोभिड–१९ का एक हजार ५७३ जना सङ्क्रमित थपिएका छन् । स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता प्रा.डा.जागेश्वर गौतमले दिएको जानकारी अनुसार चौबीस घण्टामा १० हजार १२३ वटा नमूना परीक्षण गरिएको हो । योसँगै नेपालमा नौ लाख ८८ हजार ३२७ ओटा आरटी पीसीआर परीक्षण भएको छ । थपिएका नयाँ सङ्क्रमितसँगै कुल सङ्क्रमित ७३ हजार ३९४ पुगेको छ ।

मन्त्रालयका अनुसार ८८५ जना सङ्क्रमित निको भएर घर फर्केका छन् । यससँगै निको भएकाको संख्या ५३ हजार ८९८ पुगेको छ । कोरोना संक्रमणमुक्त हुने दर ७३।४४ प्रतिशत पुगेको छ । अहिले देशभर सक्रिय सङ्क्रमितको संख्या १९ हजार १९ पुगेको छ । क्वारेन्टिनमा छ हजार २८१ जना छन् । भेन्टिलेटरमा रहेर ३३ जनाको उपचार भइरहेको छ । यस्तै, २२५ जना आइसीयूमा रहेर उपचार भइरहेको छ ।