१३ सय १३ जनामा कोरोना संक्रमण

काठमाडौं । नेपालमा थप एक हजार ३१३ जनामा कोरोना भाइरसको संक्रमण पुष्टि भएको छ । योसँगै सङ्क्रमितको संख्या ७० हजार ६१४ पुगेको छ ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता प्रा.डा.जागेश्वर गौतमका अनुसार पछिल्लो चौबीस घण्टामा घण्टामा १२ हजार २६२ ओटा नमूना परीक्षण गरिएको थियो ।

नयाँ संक्रमित मध्ये ६४५ जना काठमाडौं उपत्यकाका रहेका छन् । जसमा काठमाडौंका ५०३ भक्तपुरका ५१ र ललितपुरका ९१ जनामा कोरोना भाइरस संक्रमण पुष्टि भएको मन्त्रालयले जनाएको छ।  चौबीस घण्टामा एक हजार ४५५ जना सङ्क्रमित निको भएर घर फर्केका छन् । यससँगै निको भएकाको संख्या ५१ ह्जार ८६६ पुगेको छ । कोरोना संक्रमणमुक्त हुने दर ७३.४ प्रतिशत रहेको प्रवक्ता गौतमले जानकारी दिए ।

हाल १८ हजार २८९ जनामा कोरोना भाइरसको सङ्क्रमण सक्रिय रहेको जनाएको छ । उनीहरु मध्ये होम आइसोलेसनमा दश हजार ५२ जना रहेका छन भने बाँकी संस्थागत आइसोलेसनमा छन् ।  क्वारेन्टिनमा छ हजार ४६४ जना छन् ।

६ जनाको मृत्यु

पछिल्लो चौबीस घण्टामा ६ जनाको मृत्यु भएको छ । हिजो सबैभन्दा बढी नेपालमा १७ जनाको संक्रमितको मृत्यु भएको थियो ।  योसँगै नेपालमा कुल मृत्यु हुनेको संख्या ४५९ पुगेको छ ।