एनआरएनएको भड्किलो चुनाव

टिप्पणीः काठमाडौं । गैरआवासीय नेपाली संघ (एनआरएनए) को चुनावी चहलपहल । मंगलबारदेखि काठमाडौंको ह्यात होटलमा जारी नवौं अधिवेशनमा संघका वैचारिक वा अन्य मुद्दाभन्दा पनि चुनावी एजेण्डाले प्राथमिकता पाएको छ । बुधबार बिहान ८ बजेबाट शुरु भएको निर्वाचन प्रक्रियामा उम्मेदवार देखि समर्थकसम्म निकै तामझामका साथ चुनाव प्रचारमा उत्रिएका देखिन्थे ।

स्वस्थ्य र मर्यादित निर्वाचन प्रचार शैली भन्दा पृथक देखिएको ह्यात होटलको प्राङ्गणमा आ–आफ्ना गुटलाई भन्दा व्यक्तिगतरुपमा उम्मेदवारले मत मागिरहेको देखिन्थ्यो । उम्मेदवारी दर्ता प्रक्रियामा अध्यक्षमा कुमार पन्त र कुल आचार्यको प्यानल खडा भएपनि मत माग्ने क्रममा भने अध्यक्ष लगायत अन्य विभिन्न पदका उम्मेदवारहरूले व्यक्तिगत प्रचारमा जोड दिएका थिए । उनीहरूले पोष्टर,पम्पलेट पर्चा वितरण गर्नुका साथै उम्मेदवारको प्रचारले पोतिएका टी सर्टमा युवतीलाई मैदानमा उतारेका छन् ।

आफूलाई ‘सामान्य नेपाली नागरिक’भन्दा ‘उपल्लो दर्जा’ ठान्ने प्रवासी नेपालीहरूको चुनाव प्रचारशैली हेर्दा नेपालको स्थानीय निर्वाचन प्रचारशैली भन्दा तल्लोस्तरको देखिन्थयो । पढेलेखेका, बौद्धिक र विश्ववातावरण बुझेको भनिएका एनआरएनएको प्रचारशैली कुनैपनि प्रकारले बौद्धिक र शालीन देखिएन । प्रविधिको युगमा पनि क्याम्पमा आयोजना हुने विद्यार्थी युनियनको चुनाव शैलीमा संघ प्रचारप्रसार भएको कतिपय पदाधिकारीले टिप्पणी गरिरहेका थिए । निर्वाचन प्रचारका क्रममा नेपाली कांग्रेस र नेकपा सरकारीका सी,डी ग्रेडका नेता/कार्यकर्तासमेतको ह्यात प्राङ्गणमा बाक्लो उपस्थिति देखिन्थ्यो ।

पन्त र आचार्य प्यानलका पदाधिकारी र मतदाताहरू एकले अर्कालाई संघमा जवर्दस्त रुपमा ‘दलीय’ राजनीति गरेको आरोप लगाइरहेका छन् । संघका संस्थापक अध्यक्ष उपेन्द्र महतोले यही कारण देखाउँदै सम्मेलन बहिस्कार गरेका छन् । तथापी संस्थापक अध्यक्ष महतो पूर्व अध्यक्ष जीवा लामिछानेले खुलेरै आर्थिक सहयोग सहित पन्त प्यानललाई सघाएको आरोप आचार्य प्यानलका पदाधिकारीले लगाएका छन्  । आचार्य प्यानलको एक जना पदाधिकारीले भने,‘अध्यक्षका उम्मेदवार पन्तलाई नेकपा पार्टी र सरकार दुबैले समर्थन गरिरहेका छन र महतो र लामिछानेको पैसाले निर्वाचनलाई प्रभाव पार्न लागिएको छ ।’

   

 

प्रतिकृया दिनुहोस

के इश्वर छ ?

गाँजा के हो ? के होइन ?

जब शिक्षकले हात पसारे ..... समाचारदाता

झिँगाको काल (कथा)

गणतन्त्र शासन प्रणाली मात्रै होइन,यो

अनलाइन शिक्षाबारे डरलाग्दो खुलासा

रोचक

अविवाहित महिला सबैभन्दा खुसी !

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला