[समाचार टिप्पणी] सरकारका स्थायी प्रतिपक्ष बाबुराम

[समाचार टिप्पणी] सरकारका स्थायी प्रतिपक्ष बाबुराम

रमेश दवाडी/काठमाडौँ– सत्तारूढ र प्रतिपक्षी दल मिलेर बनेका समाजवादी पार्टीका अध्यक्षद्वय दुईधारमा छन् । पूर्व संघीय समाजवादी र पूर्व नयाँ शक्ति पार्टी मिलेर बनेको समाजवादीमा सत्तारूढ र प्रतिपक्षको आचरण देखिन्छ । सरकारको स्वस्थ आलोचना गर्न डा.बाबुराम भट्टराई चुक्दैनन् भने उपेन्द्र यादव आलोचना गर्नबाट डराउँछन् । एउटै कारण हो, यादव सरकारका स्वास्थ्य तथा जनसंख्या मन्त्री हुन् । 

संविधान संशोधनको माग राखेर प्रधानमन्त्री केपी शर्मा ओली नेतृत्वको सरकारलाई साथ दिएका यादव यतिखेर सरकार छोड्ने कि नछोड्ने परिस्थितिमा छन् । सरकारमा रहिरहने कि छोड्ने विषयमा लामो छलफल भएपछि नयाँ शक्तिले यादवसँग पार्टी एकता गरेका थिए । बाबुरामले सरकार छोडेर संविधान संशोधनका लागि दवाब दिनुपर्ने बताएकोे बाबुराम निकट स्रोतले जानकारी दिएको छ । 

प्रधानमन्त्रीले ओलीले संविधान संशोधन गर्ने छाँकाँट नदेखाएपछि सरकारलाई समर्थन गरेको राष्ट्रिय जनता पार्टीले राजपपले समर्थन फिर्ता गरिसकेको छ । सरकारलाई आलोचना गर्न राजपाले पनि छोडेको छैन । केपी ओलीले संविधान संशोधन नगरेर आफूहरूलाई धोका दिएको राजेन्द्र महतो बताउँछन् । 

प्रमुख प्रतिपक्षी दल नेपाली काँग्रेसले त यसैपनि सरकारको आलोचना गर्ने नै भैगयो । सरकारलालार्ई आफ्नै पार्टी नेकपाको असयोग छ । नेताहरू झलनाथ खनाल, भिम रावल, अग्नि सापकोटा, डा.बेदुराम भुसाल, घनश्याम भुसाल लगायत दर्जनौं नेताहरूदे आलोचना गर्दे आएका छन् । सार्वजनिक कार्यक्रममा होस् या सामाजिक सञ्जालमा सरकारमाथि उनीहरूको रोस देखिन्छ । 

बाबुराम भट्टराईले समसामयिक विषयमा सरकारको ध्यानाकर्षण गराउँछन् । संसद्मै पनि बाबुरामले सरकारको टिप्पणी गर्छन् । उपेन्द्र यादवसँग पार्टी एकता गरेपछि सत्तापक्ष बनेका बाबुराम संसद्मा एक्लै बस्छन् । पार्टी एकीकरण गरेर समाजवादी संसद्को तेस्रो ठूलो शक्ति हो । तर संसद्मा शक्ति देखिदैन । एउटै पार्टीमा एउटा अध्यक्ष मन्त्रीपरिषद्को सदस्य अर्का अध्यक्ष प्रतिपक्ष ? यस्तो प्रश्न पार्टीमै पनि अध्यक्षद्वयलाई तेर्सिने गर्छ । 

उपेन्द्र यादवले सरकारको आलोचना गर्देनन् । बेलाबखत संविधान संशेधनको विषयमा बोले पनि सरकारको कामको विषयमा भने उनी ढाकछोप नै गर्छन् । सरकारले ल्याएका मानवअधिकार, सुरक्षा परिषद्, मिडिया काउन्सिल, गुठी विधेयकबारे उपेन्द्र यादवले कहीँकतै बोलेनन् । बाबुरामले भने विरोध जनाउँदै आएका छन् । अहिले बाबुराम र उपेन्द्र पार्टीका कामले गर्दा नियमित संसद् बैठकमा उपस्थित हुँदैनन् । एकदिन हाजिरी गरेर महिनाको तलबमा खाने आरोप उनीहरूलाई लाग्ने गरेको छ । 

बाबुरामले सरकारमाथि गरेका पछिल्लो भनाइहरू हेर्दा उनले रेशम चौधरीदेखि लोकसेवा विज्ञापन विवादसम्म सरकारको आलोचना गरेका छन् । टिकापुर काण्डका दोषी रेशम चौधरीलाई वीर अस्पतालमा उपचार गराइरहँदा नेल लगाइएको भन्दै सरकारको आलोचना गरे । उनले ट्वीटरमा लेख्दै प्रधानमन्त्री केपी शर्मा ओलीले रेशम चौधरीलाई नेल लगाउनेलाई कार्वाही गर्न निर्देशन दिएपछि सानालाई बलीको बोको बनाएर ठूलालाई उम्काउने कोसिस गरेको आरोप लगाएका छन् । 

त्यसैगरी बाबुरामले नेक्रविक्रम चन्द (विप्लव) नेकपाका सर्लाही इन्चार्ज कुमार पौडेललाई प्रहरीले नक्कली मुठभेडमा मारेको खबरप्रति आपत्ति जनाउँदै पुरानै सत्ताधारीहरूले हर्कत दोहो¥याउनु गम्भीर भएको बताएका छन् । उनले लेखेका छन्, ‘जनताले लडेर ल्याएको संघीय लोकतान्त्रिक गणतन्त्रमा आज सत्तासीन बनेका हिजोका क्रान्तिकारीहरूले उही पुरानै सत्ताधारीहरूको हर्कत दोहो¥याउनु विडम्बनापूर्ण छ ।’

आफू अर्थमन्त्री हुँदा सुरु गरेका कतिपय जनपक्षीय सुधारका परियोजनाहरू अझै पनि त्यत्तिकै अलपत्र परेको बताउँदै बाबुरामले दुःख व्यक्त गरेका छन् । संघीय संरचना अनुसार बजेट नआएको टिप्णी गर्दे उनले बजेटमा लाखौं बेरोजगार युवाहरूलाई सम्बोधन गर्न सक्ने नयाँ साहसिला योजना नभएको बताए ।

 उनले सरकारले ल्याएको गुठी विधेयकको पनि आलोचना गरे । गुठी विधेयकबाहेक सरकारले ल्याएको अन्य विधेकहरूमा पनि सरोकारवालाहरूसँग छलफल नगरी हचुवाको तालमा ल्याएको टिप्पणी गरे । उनले संसद्मा भने,‘सरकारले गुठी विधेयक, सञ्चार सम्बन्धि विधेयक लगायत जे जति पनि विधेयकहरू ल्याएको छ, सरोकारवालाहरूसँग छलफल नगरी शक्तिलाई केन्द्रिकृत गर्ने उद्देश्यले ल्याएको छ । तिनलाई खारेज गरेर उपयुक्त विधेयक ल्याओस् ।’  

सांसद्हरूलाई ल्यापटप वितरण गर्ने विषयको पनि बाबुरामले विरोध गरे । जनताले तिरेको करमाथि रजाइँ गर्ने अधिकार कसैलाई नभएको भन्दै उनले जनपक्षीय विचार उद्घोष गरे । बाबुरामले ल्यापटप वितरणदे लोकतन्त्रको बदनाम र हत्या गर्ने दिशामा जाँदैछौँ ? भन्दै प्रश्न गरे । 

उनले लेखेका छन्, ‘सांसदलाई ल्यापटप भन्ने अर्को हास्यास्पद प्रस्ताव ल्याइएको सुन्नुपर्दा लज्जित छ । निजी उपभोगका साधन कसैलाई सार्वजनिक कोषबाट वितरण गर्नु नैतिक अपराध त हुँदै हो, सभ्य समाज र लोकतन्त्रमा कानुनी अपराध पनि हु्नुपर्ने होकी ! हामी लोकतन्त्रलाई बदनाम गर्ने र हत्या गर्ने दिशामा जाँदैछौं ?’

त्यसैगरी लोकसेवा आयोगले निकालेको विज्ञापनको पनि बाबुराकमले विरोध जनाए । उनले विज्ञापन संविधान, लोकतन्त्र, संघीयता र समावेशीताको मर्म विपरित रहेको बताए । 

समाजवादीका अर्का अध्यक्ष सामाजिक सञ्जालमा त्यति सक्रिय छैनन् । उनको फेसबुक एकाउन्ट । ट्वीटर हान्डल छ । तर आफ्नो बारेमा प्रकाशित भएका समाचार बाहेक अन्य कुनै सामग्री देखिंदैन । सार्वजनिक कार्यक्रममार्फत् केही टिप्पणी भने गर्छन् त्यो सरकारको प्रशंसा नै हुन्छ । 

एउटै पार्टीका अध्यक्षद्वय बाबुराम र उपेन्द्र यादवले सरकारप्रति सरकारको कामकारबाहीप्रति किन फरक प्रवृत्ति देखाएका छन् ? यसबारे राजनीतिक विश्लेषक कृष्ण पोखरेलले बाबुरामको प्रतिक्षी मानसिकता भएको बताए । उनले आलोचना गर्दा चर्चामा आइन्छ भन्ने मानसिकता भएको पनि टिप्णी गरे ।

 पोखरेलले भने,‘जनमानसको मानसिकता नकारात्मकता हावी छ । प्रतिपक्षी मानसिकता देखिन्छ । सरकार कतिपय काम आलोचना योग्य हुन्छन् । उसका कामहरू सबै दूधले नुहाएका हुँदैनन् । त्यसले गर्दा बाबुरामजीले आलोचना गर्ने ठाउँ पायो कि गर्नुहुन्छ । प्रखर रूपमा आलोचना गर्दा चर्चामा आइन्छ भन्ने मानसिकता उहाँसँग छ ।’ 

बाबुरामले सरकारमा भएको पार्टीसँग हिजो अलग हुनु परेको र आफ्नो औचित्य स्थापित गर्न पनि सरकारको आलोचना गर्ने गरेको बताए । ‘वैचारिक हिसावले पनि जुन सरकार सरकारमा छ, त्योसँग हजो उनी अलग भएका कारण र नयाँ पार्टी खोलेको औचित्य स्थापित गर्नुपरेको छ’, पोखरेलले भने ।समाजवादी पार्टी सहज ढंगले अगाडी नबढेने आंशका रहेको पनि विश्लेषक पोखरेलले टिप्पणी गरे । बाबुरामका एजेण्डालाई परास्त गर्ने भएकाले उनले प्रतिपक्षी मानसिकता राखेको पोखरेलको भनाई छ । 

उनले भने, ‘बाबुरामको एजेण्डालाई परास्त गरिदिने भयो । त्यसले गर्दा बाबुरामले प्रतिपक्षी मानसिकता राखिदिए । यसले के देखाउँछ भने पार्टीको एकीकरण पनि सहज ढंगले अगाडि बढ्छ बढ्दैन भन्ने आंशका पैदा भएको छ ।’

समाजवादीका अर्का अध्यक्ष उपेन्द्र यादवले सरकारको नीति बोले त्यो संसदीय राजनीति विपरित हुने विश्लेषक पोखरेलले बताए । पोखरेलले भने, ‘सरकारको नीतिका विरुद्ध बोल्न थालेपछि संसदीय राजनीतिमा नैतिक मानिदैन । कुनै मन्त्रीको सरकारको नीतिसँग असहमति भए त्यसको विरोध गर्नुभन्दा पहिलो सरकार छाड्नुपर्छ । यो संसदस्य राजनीतिको अभ्यास हो ।’

समाजवादी पार्टी प्राविधिक रूपमा सरकारमै भएको बताउँदै पाखेरेलले बाबुरामले उपेन्द्र यादवलाई सरकार छोड्न दवाब दिएको बताए । पोखरेलका अनुसार यादव सरकारबाट बाहिरीन सही समय पर्खेर बसेका छन् । 

प्रतिकृया दिनुहोस

सामाजिक सञ्जालमा विना मुद्धाका विषयमा

नयाँ संघीय संसदभवनको प्रधानमन्त्री

कांग्रेसको अवरोधका कारण प्रतिनिधिसभा

कांग्रेसको दोस्रो चरणको जागरण अभियान

दिगो विकासको लक्ष्य पूरा गर्न नीजि

महिला अधिकारका लागि मंगलादेवीको योगदान

रोचक

अविवाहित महिला सबैभन्दा खुसी !

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला