डा.केसीले अनसन तोडे, ९ बुँदे सहमति कार्यान्वयन के होला ?

       डा.केसीले अनसन तोडे, ९ बुँदे सहमति कार्यान्वयन के होला ?

काठमाडौं । चिकित्सा शिक्षा सुधारका लागि २७ दिनदेखि अनशनरत प्राडा. गोविन्द केसी र सरकारबीच ९ बुँदे सममति भएको छ । बिहीबार प्रधानमन्त्री निवास बालुवाटारमा सहमति भएपछि डा. केसीको अनशन तोडेका छन् ।

डा. केसीको २७ दिन लामो अनसनपछि सरकार काठमाडौं उपत्यकामा  दश वर्षसम्म  नयाँ मेडिकल कलेज खोल्ने अनुमति नदिन सहमत भएपछि वार्ताको वातावरण बनेको हो । 

सहमतिमा चिकित्सा शिक्षा विधेयकको दफा १२ मा संशोधन गरेर ‘ऐन प्रारम्भ भएको मितिले १० वर्षसम्म काठमाडौं, भक्तपुर, ललितपुरमा मेडिकल,डेन्टल र नर्सिङ विषयमा स्नातक कार्यक्रम सञ्चालन गर्नका लागि शिक्षण संस्था स्थापना गर्न आशयपत्र प्रदान गरिने छैन’ भन्ने व्यवस्था गरिने छ । तर, आशयपत्र लिइसकेका हकमा यो लागू हुने छैन् । आशयपत्र प्राप्त गरी पूर्वाधार पुरा गरेका शिक्षण संस्थाका लागि दुई विकल्प राखिएको छ । सरकारलाई सम्पत्ति हस्तान्तरण गर्ने वा चिकित्सा शिक्षा आयोगले प्राथमिकता तोकेको क्षेत्रमा स्थानान्तरण गर्न चाहेमा सरकारले प्रोत्साहन । काठमाडौं खुल्न लागेको मनमोहन कलेज र झापामा स्थापना भएको बीएण्ड सी कलेजलाई लक्षित गरेर यो विकल्प राखिएको हो ।

विधेयकको दफा १३ मा संशोधन गरेर एउटा विश्वविद्यालयले ५ वटा मेडिकल कलेजलाई मात्र सम्बन्धन दिने व्यवस्था गरिनेछ । तर, यो अहिले सम्बन्धन पाइसकेकाहरुको हकमा लागू नहुने र काठमाडौं बाहिरका शिक्षण संस्थाको हकमा आयोगले नीति निर्माण गरी निर्णय गरे बमोजिम हुने व्यवस्था गरिनेछ ।

यसअघि शेरबहादुर देउवा सरकारले ल्याएको अध्यादेशमा पनि १० वर्षे प्रतिबन्ध थियो । तर, नयाँ सरकारले १० वर्षे प्रतिबन्धसँगै एउटा विश्वविद्यालयले ५ वटा मेडिकल कलेजलाई मात्र सम्बन्धन दिन पाउने लगायतका मुल व्यवस्थाहरूलाई हटायो ।

अध्यादेशको हुबहु विधेयक हुनु पर्ने भन्दै डा. केसी असार १६ गतेदेखि जुम्लामा गएर अनसन बसे । उनको स्वास्थ्य विग्रँदै गएपछि कांग्रेसले संसद अवरुद्ध गर्नुका साथै सडक आन्दोलन थाल्यो । १५ दिनपछि डा. केसीलाई बलपूर्वक काठमाडौं ल्याएपनि विधेयकमा सहमति नभएपछि सरकार दबावमा परेको थियो ।

सरकार र डा. केसीका प्रतिनिधिबीच वार्ता भएपनि विधेयकका विषयबस्तुमा कुरा मिल्न सकेको थिएन । प्रधानमन्त्री केपी ओलीकै सक्रियतामा बुधबार वार्ता भएपनि निष्कर्षमा पुगेन् । बिहिबार अवेर सरकारले काठमाडौं उपत्यकामा १० वर्षसम्म नयाँ मेडिकल कलेज खोल्न नदिने विषयमा सहमति जनाएपछि वार्ता सफल भएको हो । वार्तामा सरकारका तर्फबाट नेकपा संसदीय दलका उपनेता सुवास नेम्वाङ र माथेमा कार्यदलका संयोजक प्रा. केदारभक्त माथेमाले अस्पतालमा अनशनरत डा. केसीलाई त्रिभुवन विश्वविद्यालय शिक्षण अस्पतालमा जुस ख्वाएर अनशन तोडाए ।

नौबुँदे सहमतिपत्रमा सरकारी वार्ताटोलीका तर्फबाट शिक्षा, विज्ञान ताथ प्रविधि मन्त्रालयका सचिव खगराज बराल र डा. केसीका तर्फबाट उनी स्वयंले हस्ताक्षर गरेका छन् । केसीका समर्थकहरुले सहमति कार्यान्वय हुनुपर्ने माग गरेका छन् ।

डा. केसीको अनशन तोडाउन प्रधानमन्त्री केपी शर्मा ओलीका साथै नेकपाका नेता नेम्वाङ, डा. माथेमा, नेपाल मेडिकल काउन्सिलका अध्यक्ष डा. धर्मकान्त बाँस्कोटा, मन्त्रिपरिषद्का चिकित्सक डा. दिव्यासिंह शाहलगायत सक्रिय थिए ।

 

प्रतिकृया दिनुहोस

नवरात्रको छैटौँ दिन : कात्यायनी देवीको

आर्थिक समृद्धिका लागि एनआरएनएको साथ

सिन्धुलीबाट काठमाडौं आउँदै गरेको

हुम्लाका स्याउबारी रातै

ओली सरकारको ‘गियर–चेन्ज’ गर्नुपर्छ:

काठमाडौं ७ मा बामदेवको जित सुनिश्चितःसांसाद

रोचक

कुकुर पनि हाँस्छ ?

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला