रोक्का जग्गाको नक्सापास छिट्टै : मेयर श्रेष्ठ

रोक्का जग्गाको नक्सापास छिट्टै : मेयर श्रेष्ठ

नेपालकै सानो जिल्ला भक्तपुर । पर्यटकीय दृष्टिले संसारका पर्यटकको ध्यान खिच्न सफल यस जिल्लाको मध्यपुर ठिमी नगरपालिकाको ऐतिहासिक एवम् सांस्कृतिक महत्व उत्तिकै छ । ‘हाम्रो कला हाम्रो संस्कृति मध्यपुर थिमी हाम्रो सम्पत्ति’ नारा तय गरेको नगर शिल्पी सहरका रूपमा परिचित छ । यहाँ बन्ने माटाका भाँडाको मौलिक पहिचान छ । 

पछिल्ला दिनमा नगरक्षेत्रमा नयाँ बस्ती बसाल्ने र मनोमानी जग्गा प्लटिङ नगरपालिकाको टाउको दुखाईको विषय बन्दै आएको छ । यद्यपी, नगरपालिकाले यहाँको मौलिकता मास्न नदिनका लागि यसअघि नै कृषि योग्य क्षेत्र र आवासीय स्थान छुट्याएर कार्यान्वय गरिसकेको मेयर मदनसुन्दरले बताए ।

हाल नगरको जनसङ्ख्या १ लाख पुगेको अनुमान छ ।  शैक्षिक गन्तव्यको रुपमा विकसित हुँदै आईरहेको यस नगरपालिकाको साक्षरता प्रतिशत ९८ प्रतिशत छ । नेवार समुदायको वाहुल्यता रहेको यो सहरमा मनाईने जात्राहरुमा बिस्केट जात्रा, जिब्रो छेडने जात्रा, गाईजात्रा, ईन्द्रजात्रा, खड्ग जात्रा आदि प्रमुख छन् । नगरको सांस्कृतिक,ऐतिहासिक र पुरातात्विक महत्वको जगेर्ना गर्दै यहाँको समग्र विकासका लागि मेयर सुन्दर कटिबद्ध देखिन्छ । नगरको यिनै विकास निर्माणका एजेण्डामा केन्द्रित भएर अमरवाणी डट कमले नगर प्रमुख मदनसुन्दर (जगलु) श्रेष्ठसँग गरेको वार्ताको सार ।

तपाई नगर प्रमुखमा निर्वाचित भएको एक वर्ष बित्न लाग्यो, यस अवधिमा के कस्ता विकास निर्माणका योजना अघि बढाउनु भयो ? 

हामी निर्वाचित भएर आएपछि मध्यपुरमा दिगो र योजनावद्ध विकासको अवधारणालाई केन्द्र विन्दुमा राखेर अघि बढेका छौं । निर्माण सम्बन्धि कुनैपनि काम उपभोक्ताबाट होस वा ठेक्का पट्टाबाट भएको होस, त्यस कामलाई हामीले डिजाईन, रेखाङ्कन र स्टमेट अनिवार्य गरेर विगतमा हुँदै आएको हचूवा प्रवृत्तिको अन्त्य गरेका छौं । एक आर्थिक बर्षे र बहुबर्षीय कामको बर्गीकरण गरेर अघि बढाईएको छ । यो वर्ष नगरमा ढल निकास, सडक सुधार, सरसफाई र साँस्कृतिक जगेर्नाका कामहरु भईरहेका छन् । नगरका फोहोर उठाएर व्यवस्थित विसर्जनका निम्ति ५ ओटा गाडी थप्ने र फोहोरलाई कम्पोष्ट मलमा परिणत गर्नका लागि जापानी प्रविधि अनुरूप काम भई रहेको छ । 

दिगो फोहोर व्यवस्थापनका निम्ति जापानको नागोयाको रोटरी क्लब र मध्यपुर रोटरी क्लबबीच सम्झौता गरेर युएस हयबिटाट र नगरपालिकाको समन्वयमा ल्याण्डफिल्ड साईडको विकास गर्न गईरहेका छौं । नगरमा पानीको आपूर्तिलाई बिशेष ध्यान दिएर ऐतिहासिक पोखरी, कुवा र ढुङगेधाराको संरक्षणका लागि एउटा अभियान नै सञ्चालन गरिएको छ र यसलाई अझै तीब्र बनाईने छ । यस बाहेक अहिले नगरको उत्तर दक्षिण चल्ने सडक फराकिलो बनाउने काम भईरहेको छ ।

निर्वाचनका बेला जनता समक्ष गरेका वाचा÷प्रतिबद्धता के कति पूरा गर्नुभयो ?

मैले कामको सुरूवात नै निर्वाचनको बेला जनतासँग गरेका प्रतिवद्धताबाट थालेको छु । यसमा सुन्दर र समृद्ध मध्यपुर नगर,यहाँको विश्व प्रसिद्ध शिल्पकारिता,धार्मिक र सांस्कृति धरोहरको जगेर्ना,पोखरी ढुङ्गेधाराको संरक्षण र कृषिकमुखी नीति निर्माण र नगरको मौलिकतालाई अक्षुणता दिने विषय मेरो प्राथमिकतामा पर्छन् । यस ऐतिहासिक मध्यपुर ठिमी नगरलाई अझ वढी सुन्दर र समृद्ध बनाउँदै एउटा पौराणिक पर्यटकीय स्थलका रूपमा विश्वलाई नै आकर्षित गर्ने हाम्रो लक्ष्य हो । 

चुनावी नारा कार्यान्वयन गर्न कत्तिको अप्ठेरो हुँदोे रहेछ ? 

हामीले चुनावमा जनता समक्ष गरेका वाचा र घोषणाहरू त्यतिकै विना सोच विचार गरिएका होइनन् । कुन योजना गर्न सकिने ÷नसकिने आकलन गरेरै गरिएका हुन् । सबै वाचा ‘क्याल्कुलेटिब’ रुपमा गरिएको थियो । नपुग्ने र गर्न नसक्ने वाचाहरु गरेका छैनौं हामीले । अहिले विगतको हाम्रा घोषणा पत्र र हाम्रा वाचा अनुरुप नै हामीले नीति तथा कार्यक्रम बनाएर योजनावद्ध रुपमा नगरको विकास निर्माणका कामलाई अघि बढाएका छौं । त्यसैले पनि हामीलाई कुनै अप्ठेरो परेको महसुस भएको छैन ।

चालू आर्थिक बर्षमा वडागत बजेटको बाँडफाँट कसरी गर्नुभयो ?

चालू आर्थिक बर्षका लागि प्रत्येक वडालाई १ करोड ५० लाख विनियोजन गरिएको छ । त्यसबाट ९ ओटै वडामा बिभिन्न विकास निर्माणका कामहरू थालिनेछन् । नगरको कूल बजेट ७३ करोड ९८ लाख ८९ हजार रुपैयाँ हो । केन्द्रीय तहबाट आउने अनुदान र परियोजना लागत सरकारले नै विनियोजन गर्छ । 

विकास निर्माणका लागि बजेट अभाव छैन ?

मध्यपुर ठिमी नयाँ नगरपालिका नयाँ होईन, यो २० बर्ष पुरानो नगरपालिका हो । यहाँको ७३ करोड रुपैयाँको बजेटलाई कम होइन । काम गर्दैजाँदा कहिँ कतै ठुला र मेगा प्रोजेक्टका लागि त बजेट कमि भएको महसुुस  हुन्छ नै तर यसलाई अभाव भयो भन्न चाहिँ मिल्दैन । बजेट अभाव वा कमि भयो भन्नु भन्दा पनि पहिले हामीले आफ्नो कार्यक्षमता पनि बढाउन सक्नुपर्छ । विनियोजित बजेटलाई हामीले तोकिएको कामलाई ठिक समयमा दिगोरूपले गरेर देखाएपछि मात्र थप बजेट खर्च गर्न सक्ने क्षमता हासिल गर्छौं ।

मध्यपुर नगरपालिकाले आफै अर्थोपार्जन गरेर विकास निर्माणका योजना संचालन गर्नका निम्ति यसका आर्थिक स्रोतहरु चाहिँ कत्तिको छ ?

हाम्रो नगरपालिका पुरानो भएकोले यहाँ आर्थिक स्रोतको कुनै कमी छैन । म त मध्यपर ठिमी नगरपालिका भरी पैसै÷पैसा देख्छु । अहिले नगरका मुस्किलले १० देखि १५ प्रतिशत जनसंख्यालाई मात्र करको दायरामा ल्याउन सकिएको छ । यदि हामीले नगरबासी सबैलाई करको दायरामा ल्याएर ७० प्रतिशत सम्म पुर्याउन सक्ने हो भन यहाँको विकास निर्माणका निम्ति रकमको अभाव हुँदैन भन्ने मेरो विश्वास छ । 

तपाईंहरु मेयर र उपमेयर अलग अलग पार्टीका भएकाले तपाईंका बीचमा यदाकदा विवाद देखिँदै आएको छ । यसले नगरको विकास निर्माणमा कत्तिको बाधा पुर्याएको छ ?

चुनावमा त हामी पार्टीगत रूपले नै चुनिएर आएका हौं । तर चुनाव सकिएपछि पार्टीगत राजनीति पनि सकियो । अब हामी पार्टीका मात्र प्रतिनिधि नभएर सम्पूर्ण जनताका प्रतिनिधि हौं र त्यहि अनुरूप नगरको विकास निर्माणमा जुटेका छौं, हामीबिच त्यस्तो कुनै समस्या छैन । राजनीति र बिचारका कुरा त अब फेरि अर्को चुनावमा गरौंला, अहिले चाहिँ हामी मिलेरै नगरको विकास निर्माण गर्नेछौं ।

प्रदेश नम्बर ३ को राजधानी मध्यपुरकै ठिमीमा रहने चर्चाले व्यापकता पाएको थियो, अब त्यो बिषय हरायो ? 

जसले जे भने पनि जे गरे पनि प्रदेश नं ३ को राजधानीका लागि भक्तपुरको ठिमी भन्दा उपयुक्त र पुर्वाधारयुुक्त स्थान अन्य कतै छैन । कसैको क्षणिक राजनैतिक स्वार्थपुर्तिका लागि तत्कालका लागि हेटौंडालाई प्रदेश ३ को अस्थायी राजधानी तोक्ने काम भए पनि अन्ततोगत्वा त्यो बहुसंख्यक जिल्लालाई अपायक स्थान हो भन्ने कुरा सबैले बुझेका छन् । प्रदेश सभाका दुई तिहाई भन्दा बढ्तै माननीय सांसदहरु हेटौंडामा राजधानी अपायक पर्यो भनिरहनु भएको छ भन्ने मैले सुनेको छु । त्यसैले प्रदेश सभाको दुईतिहाई बहुमतबाट पूर्वाधारमा धेरै रकम खर्च गर्नु नपर्ने र सबैलाई पायक पर्ने मध्यपुरको ठिमीलाई नै भविष्यमा प्रदेश ३ को राजधानी बनाईन्छ भन्नेमा म आशावादी छु ।

मध्यपुर ठिमी नगरमा जग्गाको व्यवस्थापन र घरका नक्सा पासका समस्यालाई नगरपालिकाले  समयमै सुनुवाई गरिरहेको छैन भन्ने जनताका गुनासो छ, के भन्नुहुन्छ ?

यस नगरको ल्याण्ड युज म्याप पहिले देखि नै छ । हामीले लो ल्याण्ड फाँटहरुको संरक्षण गरिरहेका छौं । मनोहरा फाँट, बुढाथोकी फाँट, काँडा डोल जस्ता फाँटहरुमा निर्माण कार्यगर्न विगत १७ बर्षबाट रोकिराखेकोमा अहिले पनि हामीले रोकेकै छौं । यी स्थानमा योजनाबद्ध विकास गर्ने अवस्था आएमा मात्र निर्माण स्वीकृति दिने अन्यथा रोकेरै राख्ने नगरको नीति हो । यस बाहेक अनियमित रुपमा स्वीकृति नलिएर जग्गा दलालहरुले  प्लानिङ गरेका जग्गाहरुमा पनि नक्सा पास रोक्का गरेका छौं । अब यस्ता जग्गामा पनि नक्सा पास फुकुवा गर्नेतर्फ हामिले छलफल अघि बढाएका छौं । सँधैका लागि रोक्का गर्न संभव नहुने हुँदा के कस्तो दण्ड जरिवाना गरेर फुकुवा गर्न सकिन्छ त्यसमा हामी छलफल गरिरहेका छौं, चाँडै नै फुकुवा हुन्छ ।  

प्रतिकृया दिनुहोस

केही व्यवसायीका कारण सिंगो निर्माण

चीन र भारत प्लस वान मोडलमा पुगिसकेका

सरकारी अनुदानबिना श्रम ऐनले तोकेको

वडाबासीको काममा कुनै कमी हुँदैन: राम

राजनीति हाम्रो रगतमा थियोः बीपी कोइराला

दुर्गम क्षेत्रमा नुन महङ्गिने सम्भावना

रोचक

महिला यौन आनन्दका लागि कस्तो

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला