पहिलो चरणमै ३ नं क्षेत्रका वासिन्दालाई मेलम्चीको पानी खुवाउछुः अम्बिका बस्नेत

पहिलो चरणमै ३ नं क्षेत्रका वासिन्दालाई मेलम्चीको पानी खुवाउछुः अम्बिका बस्नेत

 

उम्मेदवार,  नेपाली कांग्रेस  प्रतिनिधि सभा,काठमाडौं क्षेत्र नं ३

नेपाली कांग्रेसकी केन्द्रीय सदस्य तथा सहकारी तथा गरिवी निवारण मन्त्री अम्बिका बस्नेत लामो समयदेखि कांग्रेसको राजनीतिमा सक्रिय हुनुहुन्छ । नेपाल महिला संघकी पूर्व अध्यक्ष समेत रहेकी बस्नेत मंसिर २१ गते हुने प्रतिनिधि सभा र प्रदेश सभा निर्वाचनमा काठमाडौं निर्वाचन क्षेत्र नं ३ बाट प्रतिनिधि सभा सदस्यका लागि चुनावी मैदानमा उत्रिएकी छन् । पहिलो पटक मन्त्री बनेर सहकारी क्षेत्रमा रहेका विकृति र विसंगति हटाउन नयाँ सहकारी ऐन ल्याएर यस क्षेत्रलाई स्वच्छ र मर्यादित बनाउन महत्वपूर्ण भूमिका निर्वाह गर्नु भएकी बस्नेतको चुनावी रणनीति, तयारी र अभियानका विषयमा अमरवाणी डटकमले गरेको कुराकानीः    

घरदैलो अभियानमा जुटिरहनु भएको छ, कस्तो छ, चुनावी माहोल ?

माहोल राम्रो छ । आममतदाता भोट हाल्न आतुर छन् । निर्वाचनमा सबैको चासो र सचेतनमा वढेको मैले महसुस गरेको छु । निर्वाचन आउन केही दिनमात्र वाँकी छ, हाम्रो घरदैलो कार्यक्रम पनि अन्तिम चरणमा पुगेको छ । आम मतदाता भेटने जनताका समस्या, गुनासा सुन्ने हेर्ने र तिनको पहिचान गर्न चुनावी अभियान अपरिहार्य जस्तो लाग्छ मलाई । चुनावको मुखमा विकासको आश्वासन वाढने तर केही पनि नगर्ने यो मलाइ मन पर्दैन । मैले गर्न सक्ने र जनताका आधारभूत आवश्यकता पूर्तिका काम गर्ने वचन दिन्छु । अहिलेसम्मको मूल्याङ्न राम्रो छ, म चुनाव जित्छु । 

यहाँ लोकतान्त्रिक गठबन्धनबाट चुनावी प्रतिशप्रर्धामा हुनुहुन्छ, कसरी आश्वस्त पार्दै हुनुहुन्छ मतदातालाई ?

हो, लोकतान्त्रिक गठवन्धनको नेतृत्व नेपाली कांग्रेसले गरेको छ । दुनियालाई थाहा छ लोकतन्त्रका लागि लडेको पार्टी भनेकै नेपाली कांग्रेस हो । कांग्रेसकै नेतृत्वमा संविधान बन्यो । हामी अब संविधान कार्यान्वय गर्ने शक्ति हामीलाई दिनुहोस भनेर जनतालाई भोट मागि रहेका छौं । यही हो कांग्रेसको मुख्य राजनीतिक एजेण्डा । संविधान संस्थागत भएपछि आर्थिक सम्बद्धिको हुन्छ हन्छ । लोकतन्त्र विना त्यो संम्भव छैन । लोकतान्त्रिक संविधान कार्यान्यवन आजको आवश्यकता हो । रोजगारी सिर्जना युवा विदेश पलायन रोक्ने र  मुलुकको संम्बृद्धि, आर्थिक उन्नति र समानूपातिक विकासका लागि कांग्रेसको नेतृत्व जरुरी छ । 

 चुनावको मुखमा विकासको चर्को नारा दिने तर जितेपछि जनताको घरदैलोमा नटेक्ने आरोप लाग्ने गरेको छ नि ?

पक्के पनि जनता अब लाटा छैनन । हामी भन्दा वढी उनीहरुले बुझेका छन् को सही उम्मेदवार को नक्कली उनीहरु मजाले चिन्छन् । मुलुकको पहिलो प्राथमिता संविधान कार्यान्वय नै हो । त्यसपछि विकास, शिक्षा, स्वास्थ्य, रोजगारी आजको आवश्यकता हुन । त्यसलाई पूरा गर्न कांग्रेस प्रतिवद्ध छ, हामी यी मुद्धाहरु पूरा गर्छौ भन्दै भोट मागि रहेका छौं । मैले यो क्षेत्रमा के गरेकी छु भन्ने मतदातालाई राम्ररी थाहा छ, स्थानीय निर्वाचनमा पनि यस क्षेत्रमा कांग्रेसले नै जितेको हो । विकास निर्माणका कतिपय काम भइरहेका छन् कति हुँदैन छन् । ढल, खानपानी, सडक यातायात व्यवस्थापनमा विभिन्न काम भएका पनि छन् । यो क्षेत्र प्रचर संम्भावना भएको क्षेत्र हो । पर्यटकीय हिसाबले शहिद पार्क, ऐतिहासिक गोकर्ण, शिवपूरी, कागेश्वरी थुप्रै स्थानहरु छन् तिनलाई हामी प्रचार प्रसारमा ल्याउछौ । मेलम्ची परियोजन यही क्षेत्रबाट पाइपलाइन विस्तार गरिदै छ ।  ३ ओटा ट्याङ्की यही क्षेत्रमा छन, सुन्दरी जलमा मुख्य ट्ङ्की, अर्को कामनपा ६ नं मा पर्छ र गोकर्णेश्वर नगरपालिका ९ नं तेस्रो ट्याङी बन्दै छ । मेलम्ची परियोजनाले पहिलो चरणमा रिङ रोड भित्र मात्र पानी वितरण गर्ने योजना छ ।  हामी कुनैपनि हालतमा यो क्षेत्रमा पानी वितरण नगरी अन्यत्र जान दिदैनौं । यो स्पष्ट छ, म प्रतिवद्ध छु पहिलो चरणमै ३ नम्बर क्षेत्रका वासिन्दालाई म पानी खुवाएर छोड्छु । हिलो, धुलो खाने हामी पानी खाने अरु यो हुनै सक्दैन । 

मेलम्ची परियोजन यही क्षेत्रबाट पाइपलाइन विस्तार गरिदै छ ।  ३ ओटा ट्याङ्की यही क्षेत्रमा छन, सुन्दरी जलमा मुख्य ट्ङ्की, अर्को कामनपा ६ नं मा पर्छ र गोकर्णेश्वर नगरपालिका ९ नं तेस्रो ट्याङी बन्दै छ । मेलम्ची परियोजनाले पहिलो चरणमा रिङ रोड भित्र मात्र पानी वितरण गर्ने योजना छ ।  हामी कुनैपनि हालतमा यो क्षेत्रमा पानी वितरण नगरी अन्यत्र जान दिदैनौं । यो स्पष्ट छ, म प्रतिवद्ध छु पहिलो चरणमै ३ नम्बर क्षेत्रका वासिन्दालाई म पानी खुवाएर छोड्छु । हिलो, धुलो खाने हामी पानी खाने अरु यो हुनै सक्दैन । 

 

कांग्रेसलाई विपक्षीले एउटा आरोप लगाउने गरेको छ, पटक–पकट बहुमत पाउँदा पनि विकास केही गरेन, के भन्नेहुन्छ ?

कांग्रेसले केही पनि गरेन भन्नेहरुले चाहिँ के गरे ? त्यो जनतालाई भनिदिनु पर्यो । २००७ साल देखि भएका राजनीतिक उपलब्धि कांग्रेसकै नेतृत्वमा भएका छन ।   मुलुकमा राजनीतिक परिवर्तन कसले ल्यायो ? आर्थिक उन्नतिका लागि खुला अर्थतन्त्रको विकास कसले गर्यो ? उद्योग, कलकारखाना, विद्यालय, कलेज, अस्पताल, सडक सञ्जाल कस्ले बनायो ? नदेख्नेहरुलाई कसरी देखाउने ? कांग्रेसले गरेन भनेर प्रपोगान्डा गर्न जति सजिलो छ, गरेर देखाउन त्यति नै गाह्रो छ । यो कुरा कम्युनिष्टले वुझनु पर्छ कि प्रपोगान्डा गरेर विकास हुँदैन् काम गर्नुपर्छ काम । 

राजनीतिमा महिला समावेशिता नभएको भनिएको छ, तपाईलाई के लाग्छ ?

हो, समग्रमा महिला सहभागीता हुन सकेको छैन् । तर, अरु पार्टीमा भन्दा कांग्रेमै समावेशिता छ । कांग्रेस सचेत छ, प्रतिनिधि सभा प्रत्यक्षमा काठमाडौंका १० ओटा निर्वाचन क्षेत्रमा खोइ त अरु पार्टीका महिला उम्मेदवार ? यो कुरामा किन मौन छ, वामगठबन्धन ? काग्रेसले २०१५ सालको मन्त्रीपरिषद् समेत समावेशी बनाएको छ । त्यहाँ पहिलो महिला मन्त्री बन्नुभएको थियो । महिला आयोग कस्ले बनायो ? दलीत आयोग ? कमैया मुक्ति कसले गर्यो ?

तपाई सहकारी तथा गरिवी निवारण मन्त्री हुनुहुन्छ ? मन्त्री भएर उल्लेखनीय काम के गर्नुभयो ? म पहिलो पल्ट मन्त्री बनेको हुँ । अर्थतन्त्रको एउटा हिस्साका रुपमा स्वीकार गरिएको सहकारी क्षेत्रको विस्तार नेपालमा निकै भइसकेको छ । कतिपय राम्रा सहकारी पनि छन् जसले उदाहरणीय काम गरेका छन् । अहिले ३४ हजार सहकारीमा ६२ लाख मानिसहरु आवद्ध छन् । सहकारी क्षेत्रले मुलुकको अर्थतन्त्र र गरिबी निवारणमा टेवा पुर्याएको छ । त्यसका वावजुद पनि यो क्षेत्रमा सहकारी ऐनको अभाव खड्किएको थियो । जसको अभावले सहकारीमा हुने ठगी र बदमासी नियन्त्रण गर्न सक्ने अवस्था थिएन् । मेरो पालामा सहकारी ऐन आयो । यो महत्वपूर्ण काम हो । अव सहकारीमा हुने ठगी नियन्त्रणमा आउने छ । अर्को गरिव घर पहिचान कार्यक्रम हामीले ५१ जिल्लामा विस्तार गरेका छौं । यो गरिवी न्यूनिकरणका लागि महत्वपूर्ण सावित हुनेछ ।   

प्रतिकृया दिनुहोस

केही व्यवसायीका कारण सिंगो निर्माण

चीन र भारत प्लस वान मोडलमा पुगिसकेका

सरकारी अनुदानबिना श्रम ऐनले तोकेको

वडाबासीको काममा कुनै कमी हुँदैन: राम

राजनीति हाम्रो रगतमा थियोः बीपी कोइराला

दुर्गम क्षेत्रमा नुन महङ्गिने सम्भावना

रोचक

कुकुर पनि हाँस्छ ?

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला