मेडिसिटीमा ३ दिने क्यान्सर सम्मेलन सम्पन्न

मेडिसिटीमा ३ दिने क्यान्सर सम्मेलन सम्पन्न

ललितपुर । नेपाल मेडिसिटी अस्पतालमा सोमबारदेखि शुरू भएको  ब्रेष्ट (स्तन) तथा एसोफेगस (खाना नली) को क्यान्सर सम्बन्धी सम्मेलन बुधबार सम्पन्न भएको छ । सम्मेलनमा क्यान्सरबाट जोगिने र उपचारमा अपनाउनु पर्ने सावधानी बारे छलफल भएको थियो ।

‘उपचार, पुनस्र्थापना र भविष्यका’ आधारहरू भन्ने मूल नारा सहित आयोजना भएको सम्मेलनमा देश/विदेशका २०० जना भन्दा बढी क्यान्सर विशेषज्ञ तथा रेडियोलोजिष्टहरु सम्मेलनमा सहभागी थिए ।

अमेरिकास्थित प्रसिद्ध येल न्यू हेभन हस्पिटल र नेपाल मेडिसिटी अस्पतालले आयोजना गरेको सम्मेलनमा स्तन र खाना नलीको क्यान्सर रोग सम्बन्धमा विज्ञहरूले ज्ञान तथा अनुभवको साटासाट गरे । अमेरिकाबाट डा. डिकरम्यान होलिस्टरको नेतृत्वमा ग्रीनवीच र एल न्यू हेभेन अस्पतालका डा.बार्बरा वार्ड, डा. बेरी बौइड्, डा. अस्वथा नारायण, डा. पउल वेटर्स, र डा. एल्सा रास्किन जस्ता विशेषज्ञ टोलीहरुको सम्मेलनमा सहभागिता रहेको थियो ।

सम्मेलन अवधिमा स्तन क्यान्सर र खानेनलीको क्यान्सरका जटिल शल्यक्रियाको नेपाल मेडिसिटी अस्पतालको अपरेशन थिएटर देखि सम्मेलन स्थलमा प्रत्यक्ष प्रशारण गरिएको थियो जसका माध्ययमबाट न्यू योर्क र नेपालमा हुने शल्यक्रियाका समानता र भिन्नता एवं प्रविधिको विषयमा बृहद् अन्र्तक्रिया समेत गरिएको थियो । सम्मेलनमा सर्जिकल, मेडिकल, रेडिएसन क्यान्सर विशेषज्ञ र क्यान्सरसँग सम्बन्धित अन्य सबै विशेषज्ञ र सरोकारवालाको सहभागिता रहेको थियो ।

नेपाल मेडिसिटी अस्पतालका अध्यक्ष डा. उपेन्द्र महतोले स्तन क्यान्सरको न्यूनिकरण र विश्वस्तरीय उपचारका लागि अस्पताल सक्षम रहेको बताए । अस्पतालका महाप्रबन्धक विजय रिमालले यस सम्मेलनले केवल नेपाल मेडिसिटीका चिकित्सकलाई मात्र नभई मुलुकभरका क्यान्सर रोग विशेषज्ञलाई समेटेको बताए ।

 

प्रतिकृया दिनुहोस

नेपाल मेडिसिटी र नेपाल इन्भेष्टमेन्ट

नेपाल मेडिसिटी र नागरिक अस्पतालबिच

मेडिसिटीमा ३ दिने क्यान्सर सम्मेलन

नेपाललाई मेडिकल ‘हब’ बनाउन सकिन्छः

नेपाल मेडिसिटीमा ३ दिने क्यान्सर सम्बन्धी

कहिले उठ्छ काठमाडौं महानगरको फोहर

रोचक

२५ वर्षे तरुनीको तलब १ करोड ८ लाख

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि