उर्जा साहित्य र मोफसलको बल ...

उर्जा साहित्य र मोफसलको बल ...

आइपर्ने समस्याको माटोमाफिक हल होस्, अनि पो हुन्छ,

सम्पूर्ण जनतामा राष्ट्र निर्माणको बल होस्, अनि पो हुन्छ,

स्थानीय तह भन्दै जथाभावी गर्ने जागिरे नेतालाई भन्छु:

केन्द्रजत्तिकै पहुँच र अवस्थामा मोफसल होस्, अनि पो हुन्छ !

पङ्क्तिकारका यिनै भनाइभावमा समर्थन राख्ने कवि तारानाथ पोखरेल सत्य तथ्यमा कलम चलाउन सिद्धहस्त मानिन्छन् ! खोटाङ खार्पामा १९९७ मा जन्मिएका पिता रेवती पोख्रेल र माता छमनादेवीका पुत्ररत्न तारानाथ हाल विराटनगरका वासिन्दा हुन् ! उमेरले असी छुन लागेको अवस्थामा पनि अठारको युवा जोश अहिले पनि सिर्जनामा साँधीहिंड्ने उनी सटिक बोली र हक्की स्वभाव राख्ने भद्र स्रष्टाका रूपमा छवि बनाउन सफल छन् ! उनमा रहेको रचनात्मक व्यंग र ठट्यौलीको समुन्द्र उनका सिर्जनामा ज्यान भर्ने कडी भएर राजेका छन् ।

गद्यकविता तथा निवन्धसमेतमा कलम चलाउने उनी गजल कोर्न र वाचन गर्न सिपालु मानिन्छन् ! अन्य लेखरचना विभिन्न पत्रपत्रिकामा प्रकाशन गर्दै र प्रस्तुतिका आँगन टेक्दै आएका वयोवृद्ध उनका पछिल्लो समयमा सिर्जित पुस्तक 'सीतारा' गजलसंग्रहबाट यो गजल:

जहाँ जान्छु त्यहीं जाली-जाली देख्छु,

जहाँ पुग्छु कुर्सी खाली-खाली देख्छु !

वगैंचा झन्-झन् उजाड भैरहेछ, जताततै केवल माली-माली देख्छु !

तलमाथि जसको छ आफ्नो मान्छे, उसैको म त हालीमुहाली देख्छु !

कृषिप्रधान भन्छन् नेपाललाई,

रोइरहेका हलो र कोदाली देख्छु !

समस्या देखेर हाँसीटोपल्ने सतही विचारक अनि समस्यामात्र देखाएर खैलाबैला मचाउने सजिला लेखकभन्दा पृथक पोखरेल समस्या औल्याउँछन् अनि समाधान सम्बन्धितलाई सुझाउन प्रष्ट छन् ! फेरी यो गजल हेरौं :

नेपालमा कृषिक्रान्ति गर्नुपर्छ अब, माटो जाँची राम्रो बीऊ छर्नुपर्छ अब !

जनताले दुख पाउनेजति पाइसके धेरै राजनीति सम्याएर कष्ट हर्नुपर्छ अब !

सहकारी चकलाबन्दी खेती लहलह पारी गर्नेतर्फ मनस्थिति हाम्रो सर्नुपर्छ अब !

अरुजस्तै हाम्रो मुलुक पारौं विकसित छिचोलेर भूमरी त्यो पारी तर्नुपर्छ अब !

देश विकास गर्ने जाँगर नीताजीमा जागोस् अभावका श्रिङ्खला ती टर्नुपर्छ अब !

छन्द र बह्र कम र तुक तथा लयसम्म समाई वाचनका लागि गजलित भाव प्रकट गर्नु पोखरेलका विशेषता नै हुन् । उनका रचनामा वस्तुनिष्ठ चित्रण, माया-प्रेम तथा राष्ट्रियचिन्तनका कुराहरू बढी सशक्त रहेका हुन्छन् ! यो प्रेमिल रचनाले उनलाई उच्चकोटिको प्रेमी दर्ज गर्न सक्षम प्रतीत हुन्छ :

तिमी सजिएको लाली चोर्नपाए हुन्थ्यो, सँगसँगै बसी गजल कोर्नपाए हुन्थ्यो !

हामी भयौं बेग्लाबेग्लै ठूलो सानो जात विभेदबिचका पर्खाल फोर्नापाए हुन्थ्यो !

तिमी कहाँको म कहाँको संयोगले भेट भो हामी दुईको घरजम पनि जोर्नपाए हुन्थ्यो !

आराध्यको आराधना मिलिजुली गर्दै

फगुवाको रंग सबै घोर्नपाए हुन्थ्यो !

कुरा जे भएपनि काम गरिरहनुपर्छ र स्तरीयता बढाउँदैलानुपर्छ भन्ने सोचका धनी पोखरेल मोफसलमै बसेर पनि धेरै काम भैरहेकामा खुशी मान्छन् ! भानुभक्त पोखरेल बितेर जानुभयो; उहाँको ताप छ हामीमा !

त्यस्तै प्रल्हाद पहरेदार चतरामा हुनुहुन्छ ! मनु मन्जील इटहरीमा हुनुहुन्छ ! मात्रिकाप्रसाद संग्रौला झापामा ! काठमाण्डुदेखि हामी पूर्वमा छौं ! अनि गुल्मी भनेपनि पाल्पा भनेपनि भागीरथी श्रेष्ठ पश्चिममा हुनुहुन्छ ! सबैको एउटा छवि छ, उचाइ छ ! केन्द्रमा नभएर के भो त ! पहुँच र प्रचारको कुरा पनि छ, बुझ्नेलाई श्रीखण्ड भन्ने उनका प्राय रचनामा जुझारुपन भेटिन्छ र केही गर्नसकिन्छ गरौँ भन्ने उर्जापूर्ण संदेश रहनेगर्छ !

युवापुस्ताले त झन् मौकामात्र पाए धेरै कुरा हुन्थ्यो ठान्ने उनीद्वारा रचित एक गजलको मतला हेरौं: झिंजाले मूढा डढाउन सक्छन् सानाले ठूला लढाउन सक्छन् ! मोफसलका सशक्त हस्ताक्षरमा आसन्न गजल संग्रहको सफलताका लागि शब्दभरी साहित्यिक शुभकामना पनि !

प्रस्तुतिः नाराणण नेपाल

प्रतिकृया दिनुहोस

जब घरमै भट्टी चल्छ : गजल काव्य !

संचारकर्मी कमल सरगमको तीज गीत‘माइत

गोबिन्दाले खुलाए दोस्रो विवाहको रहस्य

आरके र बिनीको ‘सुनभन्दा कम छैन,हराए

मिस नेपाल अनुष्का अमेरिकामा सम्मानित

उमा श्रेष्ठको ‘मेरो राजै’ तीज गीत

रोचक

अविवाहित महिला सबैभन्दा खुसी !

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला