सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

उमेर २७ वर्ष । पातलो ज्यान; होचो कद । मीठो बोली । उनी भेट्ने जति सबैसँग मधुर स्वरमा सम्मानपूर्वक बोल्छन्; व्यवहार गर्छन् । प्रायँ साँझ गस्तीमा निस्किन्छन्; आफैँ सवारी हाँकेर–चुडामणी पुन । 

सीमा क्षेत्रका समस्याबारे उनी भन्छन्, ‘नेपाल भारत खुला सीमाना छ । तस्करी, राजश्व छली, चोरी निकासीका समस्या त छँदै छन् । नेपालमा अपराध गरेर भारत भाग्ने तथा भारतमा अपराध गरेर नेपालमा लुक्न आउने समस्या पनि छ ।’

बेलौरी ईलाका प्रहरी कार्यालयमा हाजिर हुनुअघि उनी जुम्लामा एक वर्ष बसे । तालिमबाट पासआउट भएपछि वि.सं. २०७४ मा पहिलो दरबन्दी नै जुम्ला थियो । त्यहाँ उनले लागु औषध नियन्त्रण गर्ने प्रयास गरे । भन्छन्, ‘जुम्ली समाज लागु औषधमा फसेको समाज रहेछ । हामीले त्यसलाई सुधार्ने गरी काम ग¥यौँ ।’

लागु औषध नियन्त्रणको योजना कसरी बनाउनुभयो त ? जवाफमा उनले भने, ‘हाम्रो डिएसपी साब हुनुहुन्थ्यो, तपन कुमार दाहाल । उहाँले बनाएकै कार्यरणनीति मैले पनि अनुशरण गरेँ ।’

उनको विचारमा कानुनले पुलिसलाई जुन काम गर भनेको छ, त्यो काम ईमान्दारीका साथ गर्नुपर्छ । काम गर्दागर्दै कहिले काहिँ समस्या पनि आउँछन् । समस्या आउने भएकै कारण कतिपय प्रहरी अधिकारी जिम्मेवारीबाट पञ्छिने गर्छन् भन्ने उनको बुझाई छ । ‘म नजरअन्दाज गर्न सक्दिन । मबाट जति हुनसक्छ । त्यति मैले गर्नुपर्छ भन्ने लाग्छ ।’ उनी भन्छन् । बेलौरीमा ड्युटी सम्हालेपछि सर्वप्रथम उनले पेट्रोल पम्पहरुले चलाएको कालो धन्दामाथि कडा प्रहार गरे । पम्पहरुले बोतलमा पेट्रोल भरेर पसलेहरुलाई दिने अनि पसलेहरुले ग्राहकलाई महँगोमा बेच्ने गर्दा रहेछन् । यस प्रकारको धन्दाबाट पेट्रोल व्यवसायी मोटाईरहेका थिए भने नागरिकलाई समस्या थियो ।

यसपछि, उनले मोटरसाईकल चालकलाई हेलमेट अनिवार्य गराए । स्थानीय होटल व्यवसायी रामबहादुर मगर भन्छन्, ‘उहाँ आएदेखि बेलौरी नगरपालिका धेरै शान्त भएको छ ।’ बेलौरीमा चोरीका मोटरसाईकलको विगविगी थियो । यस विषयमा पुनको टिप्पणी छ, ‘हामीले चोरीका मोटरसाईकल समातेर भन्सारलाई बुझाउने काम गरेका छौँ ।’ जसले गलती गरेको छैन, उसले पुलिससँग डराउनु नपर्ने उनको भनाई छ, ‘जसले गलती गरेको छ । पुलिससँग डराउनै पर्छ ।’

नेपाल महिला संघकी क्षेत्रीय सभापति भगवती विष्ट भन्छिन्, ‘अहिले सुरक्षा प्रशासनले राम्रो काम गरेको छ । पहिलाको तुलनामा शान्ति सुरक्षामा काफी सुधार आएको छ ।’   अभिषेक जोशी

प्रतिकृया दिनुहोस

ओली सरकारको राजीनामा माग

‘यशुकी छोरी’को प्रधानमन्त्रीलाई

एशिया प्यासिफिक सम्मलेनको प्रधानमन्त्रीले

सामाजिक सुरक्षा योजना कार्यान्वयन

पत्रकार जगत नेपालको ‘बीपीको विद्रोह’

नियोजित रुपमा सेवाबाट हटाईएको भन्दै

रोचक

महिला यौन आनन्दका लागि कस्तो

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला