नमुना गाउँ बनाउने अभियानमा युएनआई नेपाल

अमरवाणी संवाददाता/बनेपा । युनियन नेटवर्क नेपाल समन्वय परिषद (युएनआई एनएलसि) काठमाडौंले काभ्रे जिल्लाको पाँचखाल नगरपालिका १२ को तीनघरे ठुलागाउँको दनुवार बस्तीलाई नमुना गाउँका रुपमा विकास गर्दै लैजाने जानकारी दिएको छ । तीनघरे ठुलागाउँका  १८ जना महिलाहरुलाई तीन महिने सिलाई कटाई तालिमको प्रमाणपत्र वितरण गर्दै युएनआई नेपालका अध्यक्ष शंकर लामिछानेले दनुवार गाउँलाई नमुना गाउँका रुपमा विकास गर्दै लैजाने बताएका हुन् । तालिमको प्रारम्भिक ३ महिने कोर्ष पुरा गरेका महिलालाई प्रमाणपत्र वितरण गदै अध्यक्ष लामिछानेले प्रारम्भिक तालिम पुरा गरेका १८ जना महिलालाई थप ३ महिना एड्भान्स कोर्षको तालिम दिएर पुर्ण स्वरोजगार बनाईने समेत बताए ।

युएनआईका कार्यक्रम निर्देशक दिपा भारद्धाजले सिलाई कटाईको एडभान्स तालिम लिएका महिलाले बेरोजगार बस्नु नपर्ने ग्यारेन्टी ँिददै भनिन्, ‘तालिम सकिने बित्तिकै काठमाडौंका गार्मेन्ट ब्यबसायी र ब्यापारीसँग समन्वय गरेर गाउँमै  रेडिमेड कपडा उद्योग संचालन गरिने छ ।’ सिलाई कटाईको थप तीन महिने  एडभान्स तालिम जेठ १ गतेदेखि सुरु गरिने बताईएको छ । तालिम समाप्त हुनु अगाडीनै रु ३५ लाखको लागतमा गाउँमा कम्युनिटी भवन बनाएर त्यहिँ गार्मेन्ट उद्योग समेत सँचालन गरिने अध्यक्ष्य लामिछानेले बताए । उनले भने, ‘७५ फिट लम्वाई र४८ फिट चौडाई चौडाइको कम्युनिटी भवन निर्माणकालागि पाँचखाल नगरपालिकाबाट स्वीकृति लिईसकिएको छ । उक्त भवनबाट नियमित रुपमा स्वरोजगार तालिम, ग्रामिण बेरोजगारलाई स्वरोजगार बनाउनका निम्ति सहकारी सँस्था सँचालन गरिने युएनआई नेपालले जानकारी दिएको छ ।

२०७२ साल बैशाखमा गएको भुकम्पबाट तत्कालिन देवभुमी बालुवा गाविस ४ एवं हालको पाँचखाल नगरपालिका १२ को ठूलागाउँ तीनघरेमा एक सय ओटा घर(ट्रस) निर्माण गरेर भुकम्प पिडीतलाई हस्तान्तरण गरेको थियो । ट्रेड युनियनहरुको साझा सँस्था युएनआई नेपालले यस गाउँलाई शिक्षा, स्वास्थ्य, रोजगारी, खानेपाने र सरसफाईमा नमुना गाउँका रुपमा विकास गर्दै लगिने सँस्थाको उद्धेश्य रहेको बताईएको छ । । यस अघि सो गाउँमा सँस्थाले ३ पटक (स्वास्थ्य शिविर ) हेल्थ क्याम्प, खाद्यान्न, लत्ता कपडा, बालबालिकाका निम्ति सरसफाई ( वास) कार्यक्रम र स्थानीय जनभावना प्राविका निम्ति १२ ओटा कम्प्युटर उपलब्ध गराई सकेको छ । वडा अध्यक्ष गोपाल बहादुर दनुवारको सभापतित्वमा सम्पन्न भएको प्रमाणपत्र वितरण कार्यक्रममा सँस्थाले आगामी जेठमा औषधी र पावर चस्मा सहितको हेल्थ क्याम्प र १२ नं वडाको ८ ठाउँमा संघियतामा जनअधिकार बिषयक जनचेतना मुलक कार्यशाला गोष्ठिको आयोजना गर्ने जानकारी दिएको छ ।

 

प्रतिकृया दिनुहोस

बडादशैंको सुरू,आज घटस्थापना

एसपी विष्ट र बम दिदीबहिनीमाथि पुनःछानबिनःमानवअधिकार

कुमारीको रथयात्रा आजबाट, रथारोहण चार

पाल्पामा पहिलो ‘अदालती’ विवाह

निर्मला पन्त हत्या प्रकरणमा प्रधानमन्त्री

ऋषि पञ्चमी पर्व मनाइँदै

रोचक

कुकुर पनि हाँस्छ ?

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला