हिन्दुत्व, झण्डा र गाईप्रति किन नकारात्मक ?

          

अभिषेक जोशी,

हिन्दुत्व

हिन्दुत्वप्रति केही मानिसहरुको दृष्टिकोण धर्मशास्त्रहरुको अध्ययनबाट होईन कि, समाजमा विद्यमान कर्मकाण्डी व्यवहार र अन्धविश्वासको जगमा निर्माण भएको देखिन्छ । अरुले सुनाएका कुराहरुलाई अन्तिम सत्य मानेर त्यसकै पछाडि कुद्ने तर आफैँ अध्ययन गरेर वास्तविकता पत्ता नलगाउने रोग पनि हाम्रा केही कथित् भौतिकवादी कलमजीवीहरु माझ आज भोलि संक्रमण झैं फैलिएको छ ।

हिन्दुत्व, नेपालको राष्ट्रिय झण्डा तथा गाईको सवालमा जे जस्ता तर्कहरु पेश गरिएका छन्, ती आफैँ एउटा स्वस्थ, प्रगतिशील तथा भाईचारा युक्त समाज निर्माणका लागि अवरोध जस्ता बनेका छन् । किनभने आजको पृथ्वीमा रहेका हरेक राजनीतिक, आर्थिक, सामाजिक, धार्मिक दर्शनहरुको जग नै हिन्दुत्व हो । भौतिकवादी सिद्धान्तको पहिलो प्रणेता पनि हिन्दु समाज नै हो । गणतन्त्रको अभ्यास पनि हिन्दु समाजले हजारौँ वर्ष अगाडि गरिसकेको थियो । संघीयताको अभ्यास पनि भईसकेको थियो, भलै आजको दिनमा संघीय राज्यको अवधारणा पश्चिमा चिन्तनमा आधारित छ । र, यो सत्य हो नेपालको झण्डा धार्मिक प्रतिकको रुपमा रहेको छ । यसले वर्तमान राजनीतिक परिवर्तनहरुलाई बोकेको छैन । नेपालका ९५ प्रतिशत सनातन धर्मावलम्बीहरुको धार्मिक आस्थालाई बोकेको छ । धार्मिक आस्था राजनीतिक व्यवस्था जस्तो हरेक दश वर्ष वा पाँच वर्षमा बदलिने कुरो होईन । झण्डाले राजनीतिक बद्लावहरुलाई मात्रै प्रतिबिम्बित गर्नुपर्छ भन्ने विचार समाजले ग्रहण गर्नुपर्छ भन्ने छैन । नेपाली समाज द्वन्द्वात्मक भौतिकवादी विचारबाट प्रभावित र प्रेरित समाज होईन; पूर्णतः धार्मिक समाज हो ।

नेपालका किराँतहरुलाई महागुरु फाल्गुनानन्दले सुर्यवंशी भनेका छन् । भगवान बुद्ध पनि सुर्यवंशी नै हुन् । यी दुबै धार्मिक समुदायभित्र सूर्य र चन्द्रमाको उपासना गरिन्छ जसरी हिन्दु समाजले सुर्य र चन्द्रमाको उपासना गर्दछ । र, न त महागुरु फाल्गुनानन्दले न त भगवान बुद्धले र न त हिन्दु धर्मशास्त्रहरुले नै जीवहत्याको अनुमति दिएका छन् । गाई मात्रै होईन, सबै प्रकारका जीवहरुको हत्या सनातन धर्मको मूल्यमान्यता विपरित रहेको छ । यहाँनेर सनातन धर्मको अर्थ हिन्दु मात्रै होईन, किरात, बौद्ध, जैन, बोन, शीख पनि हो ।  

झण्डा विवाद

सूर्य, चन्द्रमा अनि रातो रंगलाई केवल हिन्दुत्वसँग मात्रै जोडेर हेरिएको छ । तर, विश्वको धार्मिक ईतिहासले भिन्दै कुरा बोलेको छ । ईसाई र ईस्लाम पन्थको उदय र अन्य धर्ममाथि अतिक्रमण अघि दुनियाँमा सबैतीर सूर्य र चन्द्रमालाई देवताको रुपमा पुज्ने गरेको पाईन्छ । मिश्रिहरु, चिनियाँहरु, रोमनहरु, अफ्रिकनहरु आदि सबैको तत्कालीन धार्मिक अभ्यासले सूर्य र चन्द्रमाको अनेक प्रकारले उपासना गर्ने गरेको देखिन्छ । जब दुनियाँमा साम, दाम, दण्ड र भेदको नीति अपनाएर ईसाई र ईस्लाम पन्थको अतिक्रमण सुरु भयो तबदेखि सुर्य र चन्द्रमाप्रतिको आस्था एसियाको भूगोलभित्र भारत, नेपाल, चीन आदि मुलुकहरुमा खुम्चिन पुग्यो । सूर्य शक्तिको प्रतीक हो । चन्द्रमा ज्ञानको । सूर्य उष्णताको प्रतीक हो । चन्द्रमा शितलताको । रातो रंग विजयको प्रतीक हो । भिक्षुहरुका चीवर पनि रातो रंगका नै हुन्छन् ।

सूर्य, चन्द्रमा, रातो रंग आदि एकदमै गहन अर्थ बोकेका शब्दहरु हुन् । यिनीहरुको भौतिक, आध्यात्मिक व्याख्याको गहिराईलाई एउटा लेखमा नाप्न सम्भव छैन् । त्यसकारण, यस्ता ब्रह्माण्डिय पदार्थहरुलाई यदि नेपालको झण्डाले प्रतिबिम्वित गर्दछ भने यसमा आपत्ति जनाउनु पर्ने किन ? त्रिकोणात्मक झण्डालाई चतुर्भुजाकार बनाउँदैमा, झण्डाबाट चन्द्र, सूर्य र रातो रंग हटाउँदैमा समस्या समाधान भईहाल्ने हो ? समाजको वास्तविक समस्या आर्थिक समुन्नति हो; झण्डा होईन । राष्ट्रिय झण्डाले अन्य जाति समुदायको अपमान ग¥यो; यसलाई बदलौँ भन्दै झण्डा बदलेर समाजमा व्याप्त आर्थिक, सामाजिक, शैक्षिक तथा स्वास्थ्य समस्याहरु निर्मुल भईजाने होईनन् । यस्ता अनावश्यक बहस कै कारण समाज जबरजस्ती तरंगित भईरहेको छ; नयाँ द्वन्द्वको बिजारोपण हुन खोज्दैछ । आप्mना असफलताहरुलाई हिन्दुत्व, राष्ट्रिय झण्डा र गाईसँग लगेर जोड्नु कस्तो खालको माक्र्सवादी चिन्तन हो ? अनि, के बहुसंख्यकहरुको आस्थामाथि प्रहार गर्दै अल्पसंख्यकहरुलाई वैचारिक रुपले उत्तेजित पार्ने काम भौतिकवादी दर्शन अनुसार समावेशी समाज निर्माणको पहल हो ?

नेपालका कथित् माक्र्सवादी विचार समूहहरु हिन्दुत्व, राष्ट्रिय झण्डा र गाईको विषयमा नकारात्मक टिकाटिप्पणी गरेर जति सञ्चारमाध्यमहरु रंगाई रहेका छन्, त्यति समाजको आर्थिक, भौतिक विकास तथा सकारात्मक चिन्तन शैली निर्माणका लागि किन सक्रिय हुन नसकेका ? के सधैँ भरी बिगार्ने काममा मात्रै दक्षता प्रदर्शन गर्ने ? अरुको आस्था चाहिँ माक्र्सवादीहरुका लागि आस्था देखिने, हिन्दुको आस्था चाहिँ पाखण्ड र सामाजिक विभेदको रुपमा देखा पर्ने ? कस्तो खालको माओवादी स्कुलिङ हो यो ? आश्चर्य लाग्छ, यी जो कहिले पनि मुलुकका धरोहरहरुको सम्मानप्रति संवेदनशील बन्न सकेनन्; मुलुकको विश्वव्यापी परिचय उसको इतिहास, उसको मौलिकता र उसको धार्मिक परम्पराले धानेको हुन्छ भन्ने सामान्य चेतसम्म पाल्न सक्दैनन्; हिजोआज अचानक धर्मसम्बन्धी विषयमा कलम चलाई रहेका छन् । अझ गजब त यिनीहरुको चिन्तन शैली छ । सधैँ भर यिनीहरु हिन्दुत्वलाई एउटा सामन्ती धर्मको रुपमा व्याख्या गर्न रुचाउँछन् अनि ईसाईलाई चाहिँ क्रान्तिकारी पन्थको रुपमा । यसैकारण, नेपाली समाजमा चलिरहेको धर्म परिवर्तनको व्यापारप्रति यिनीहरु नम्र देखिन्छन् । यिनीहरु सधैँभरी आप्mना तर्कहरुलाई बलियो पार्न तथा लेखहरुको प्रामाणिकता पुष्टि गर्नका लागि युरोप वा अमेरिकाका विद्वानहरुका तर्कको अत्यधिक सहारा लिईरहेका देखिन्छन् । जसको स्कुलिङ र चिन्तन शैली नै पश्चिमा शैलीबाट प्रभावित छ, तिनीहरुबाट हामीले हाम्रो मौलिकता सुरक्षित रहने आश गर्नु विद्वता कि मुर्खता ? आप्नो मौलिकतालाई चिन्न नसकेर हरेक कामकुराका लागि विदेशीको पुच्छर बनेकै कारण आज मुलुक ६ खर्बको ऋणले थिचिएको छ ।

गाई विवाद

ऋग्वेदमा गोमांश भक्षण गर्ने गरिएको तथा गोहत्या गर्ने गरिएको कुरो पनि यतिखेर केहि कलमजीवीहरुले उठाएका छन् । मलाई थाहा छैन, उनीहरुले कसले भाष्य गरेको ऋग्वेद अध्ययन गरे । वा आफुले ऋग्वेद अध्ययन नगरी अरु कसैले सुनाएको कथनमाथि आँखा चिम्लेर विश्वास गरिदिए । केहि व्यक्ति तथा समुहले स्वार्थवस् वैदिक शब्दहरुको गलत अर्थ लगाउने गरेको पाईन्छ । यस्तो गलत भाष्य गर्ने परम्पराको सुरुवात म्याक्समुलरले गरेका थिए । अहिले भारतमा रहेको एक जना ईसाई आचार्य विकास मसीह म्याक्समुलरको त्यस परम्पराको बिँडो थामेर आप्mनो पेट पालिरहेका छन् । वैदिक शब्दहरुको केवल एउटा मात्रै अर्थ निकाल्ने अभ्यास आफैँमा गलत छ । किनभने वेदभित्र त्यस्ता धेरै शब्द छन् जसका पच्चीस भन्दा बढी अर्थ निस्किन्छन् । त्यस्तो बहुअर्थी एउटा शब्द गो पनि हो । वेदमा गो को अर्थ गाई मात्रै रहेको छैन् । सुर्य, पृथ्वी, अन्तरिक्ष, ईन्द्रिय, आमा, स्वर्ग आदिको निम्ति पनि गो शब्दलाई प्रयोग गरिएको छ । यसैगरी, मेध शब्द छ ।

यसका पनि विविध अर्थ छन्–पवित्र राख्नु, वृध्दि गर्नु, मिलाउनु, हत्या गर्नु आदि । वेदमा, यसैगरी, ईन्द्र शब्द रहेको छ । यसले पानी पार्ने देवता, ईश्वर, सेनापति, राजा, विद्वान आदि अर्थ दिएको छ । ऋग्वेदको दशौँ मण्डलका केहि शुक्तका केही मन्त्रहरुमा ईन्द्रले गोरुको मासु खाएको, पशुहरुको बली दिएको तथा गाईको हत्या गर्ने गरेको उल्लेख छ भनिन्छ । मैले माथि नै भनि सकेँ यस्तो प्रचार स्वार्थवस् गरिएको हो र यसको सुरुवात म्यासमुलरले गरेका थिए । अहिले नेपालमा केहि ईसाईहरु पनि वेदमा गोहत्या, गोमांश भक्षण, पशुबली तथा नर वलीको उल्लेख रहेको हवा पिटिरहेका छन् । यसभित्र सनातन धर्मावलम्बीहरुलाई उनीहरुकै शास्त्रप्रति अनाशक्त बनाएर इसाई पन्थप्रति आकर्षित गर्ने रणनीति लुकेको छ । अर्काेतर्फ, बाईबलमा नरबली, पशुबली आदिको व्यवस्था रहेको कारण उनीहरु वेदलाई पनि सोही तुल्य देखाउन चाहन्छन् ।  

अन्त्यमा, जुन समाजमा ईसाईलाई सहज प्रवेश दिईन्छ तथा निर्वाध रुपमा धर्मप्रचार गर्ने सुविधा उपलब्ध गराईन्छ, त्यो समाज दिर्घकालीन रुपमा कलहको दलदलमा फस्न पुग्छ । यसको ताजा उदाहरण नेपाल बनीसकेको छ । उनीहरु मुखौटो फालेर वास्तविक कृत्यमा ओर्लिईसकेका छन् । यसअघि सन् २०१२ मा सुडान टुक्रियो । कारण थियो, ईसाई र ईस्लामबिचको धार्मिक कलह । पूर्वाेत्तर भारतका ईसाई प्रभाव रहेका प्रदेशहरुमा अलग राष्ट्रको माग गर्ने ईसाई सशस्त्र समूहहरु सक्रिय छन् ।

 

प्रतिकृया दिनुहोस

शक्ति पूजाको महिमा र रूप

बेलायतबाट सिक्न कति छ कति

राहत शिक्षकको आन्दोलन किन ?

हिन्दुत्व विरोधी संविधान

प्रकाशकीयः अमरवाणी डट कमको प्रतिवद्धता

कष्टकर यात्राको रमाइलो अनुभूति

रोचक

कुकुर पनि हाँस्छ ?

अमरवाणी विशेष

डा. बाबुराम ‘विश्वविद्यालयका छात्र’ विश्वदीप

डा. बाबुराम ‘विश्वविद्यालयका छात्र’ विश्वदीप

सीमा क्षेत्रका अब्बल प्रहरी निरीक्षक चूडामणि

सीमा क्षेत्रका अब्बल प्रहरी निरीक्षक चूडामणि

‘पाँचखाल नगर कृषि सहर’ बनाउन दत्तचित्त छुःमेयर खरेल

‘पाँचखाल नगर कृषि सहर’ बनाउन दत्तचित्त छुःमेयर खरेल

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला  

निजी विद्यालय खारेज गर्ने हिम्मत कसैसँग छैन्: विष्णु पराजुली, अध्यक्ष एनप्याब्सन, काठमाडौँ जिल्ला